Tonkotsu 8 by 三田製麵所 (Citylink)

营业中

休息中

去沙田踩完单车，就去左Citylink揾野食，行过呢间拉面舖闻到好香，之后就直接入左去试。入到去好快职员就安排左个位比我地坐，我地都好快点左野食，唔洗几耐食物就好快到左。叉烧酱油拉面疫情关系，好耐冇去过日本，当然要即刻叫个久违嘅拉面食下，拉面好挂汁，仲要有得拣烟韧度，所以好有咬口，而叉烧亦都好入味，肉同脂肪比例都好平均，厚薄适中，加埋半只流心蛋，成件事好满足。另外仲叫咗三个小食试吓，包括特制炸鸡，吉列猪扒同埋蟹肉忌廉薯饼，三样炸物都系新鲜炸起，食落好脆口又唔会油腻。特制炸鸡虽然份量唔多，但每一件都好大件，而且肉质好幼嫩，唔会炸到好干。吉列猪扒外皮炸得好香口，而且咬落去仲有好多肉汁。蟹肉忌廉薯饼因为新鲜炸起，所以食落去好脆口，点埋侧边炸猪扒𠮶啲汁加沙律酱，真系好惹味。