Made in HK Restaurant (已結業)

星期五收工想食好少少，就去咗观塘APM。见到呢间餐厅个set dinner几吸引，环境又好舒服咁，就去咗试吓。焗酥皮威灵顿牛柳半薯菜$178套餐可以选择餐汤或者沙律，当日嘅餐汤系番茄忌廉汤。番茄味酸甜恰好，忌廉非常柔滑，令人好醒神。牛油餐包非常软熟。主菜！酥皮非常松化！牛柳非常多汁，系美丽嘅五成熟😍内里仲有野菌，更加带出牛肉嘅鲜味，亦增添水份。加埋一杯冻柠茶，清甜解渴。焗鸳鸯炒饭$128梅菜鱼柳香槟忌廉汁配肉酱牛柳男朋友想试吓新野，就叫左呢个焗饭。忌廉汁好cheesy!!鱼肉够moist!食到少少梅菜，但又唔会太浓。同男朋友一致喜爱呢个肉酱牛柳汁！牛肉一啲都唔韧！每一口都充满牛肉味！整体个饭都几出色。心太软配意大利雪糕$68绿茶意大利雪糕非常幼滑，绿茶味道浓厚,配上绿茶脆脆，增添口感。心太软是fusion菜式！花生味, Rich ,一切开,炼奶蜂拥而出，好正。感觉像食紧奶酱多，好有特色,男朋友好钟意。