米線陣 (荃新天地)

营业中

休息中

今日收工一个人返屋企，一个人食饭，咁就念住简简单单系屋企楼下食算啦，但系4点几钟又食左个下午茶，个状态唔算系超级肚饿，于是就念住食少少野，食个米线算啦！见到个米线阵，都几多客人，重要等位，好啦，就㩒张1位啦，好彩都好快有位。坐低左之后就望下menu, 款式都算多，有唔同汤底啦，唔同嘅食材啦！而最后我就叫左个大汗猪扒担担米线。上枱之后，卖相都算几普通下，特别系个米线，首先就试下块猪扒先，块猪扒唔算系好大块，但系都几香口，有少少辣，猪扒好脆，另外有d蒜香椒香风沙底衬托，非常惹味。而米线虽然卖相差少少，但系汤底都足料，有榨菜，肉碎同埋花生碎等材料，都几香口，再加埋弹牙嘅米线，都唔错。