小越南 (已結業)

🧡今日去到美孚揾食，系openrice睇下有咩好食。就见到呢间越南餐厅，好似都几吸引，所以就决定去试一试。本来都唔抱住好大嘅期待，点知竟然有小惊喜。我叫左两个一人餐，一人餐包一个主食+一杯嘢饮+一个小食。小食有酸辣凤爪✨同炭烧猪颈肉，酸辣凤爪味道相当好👍🏻，唔会太酸，超级开胃。炭烧猪颈肉就略嫌失色，味道正常，但烧得唔够彻底。之后就到主菜啦，因为见到黑板写住厨师推介，所以经过一番讨论就叫左一个饭同一个面。1.辣椒膏猪颈肉炒河粉辣椒🌶️味未算超级重，对于中意食辣既我黎讲算ok，系几开胃既。河粉抄得唔错，唔会好烂，质感几好。比较出色嘅系佢嘅猪颈肉，竟然比小食嘅猪颈肉更好食。炒河粉里面嘅猪颈肉十分酥脆，去买河粉一齐食，真心系唔错嘅。2.菠萝虾膏海鲜炒饭呢个炒饭相比炒河粉清淡很多，虾膏未算十分突出。一开始食的时候，觉得味道一般般，跟住再食多几啖，发现都几好食。虾膏配菠萝嘅组合系几新鲜嘅，加埋里面有好多海鲜，例如虾，鱿鱼，炸鱼柳等等，我觉得都好足料。如果钟意食清淡嘅朋友，呢个炒饭系好适合嘅。饮品方面，我哋叫咗一杯热饮同一杯冻饮，分别系热菜蜜同冻柠蜜。佢嘅热菜蜜甜度系啱啱好，所以最后我系成杯K.O.左