影片
更多
2019-06-08
93 浏览
食物质素 8/10朋友系九龙湾番工，就佢近近地就系九龙湾食晚饭。由于朋友想食馒鱼饭，所以就黎左尼间食釜饭既试一试！我地两个人叫左两个釜饭套餐、一个甜品同两杯饭品！餐汤：面豉汤平时既我系唔饮面豉汤，但尼个面豉汤味道几好，唔会太咸，而且入面有好多配料，有豆腐、红萝卜、白萝卜同海带，每饮一啖汤都啖啖料！馒鱼釜饭（鱼腩位置）一黎到个卖相的确好吸引，馒鱼份量唔细，而且仲用两条鱼骨做装饰！馒鱼嫩滑，不过食入口未算叫做入口即溶，但连埋个秘制酱汁配上芝麻一齐食，都算系质素唔错！后尾朋友试埋个鱼骨，炸到脆卜卜，几特别几好味！牛肉釜饭牛肉份量好多，切到一粒粒咁黎烧，加埋个烧汁好好味！而且牛味好重，口感唔硬，大概7成熟左右，啖啖肉，所以两个饭相比起黎，我会钟意牛肉饭多少少！甜品：黑芝麻蕨饼蕨饼口感软糯，唔会太硬，黑芝麻粉份量亦好多！自己钟意整到细细旧咁黎食，令每一旧都痴满黑芝麻粉！饮品：苹果蜜尼杯系柚子蜜既朋友，但转左苹果自觉唔算太夹饮品：紫薯力量尼杯饮品入面有香蕉、紫薯、云尼拿、鲜奶、忌廉同蓝莓。成杯野饮香蕉同鲜奶味比较突出，钟意饮香蕉味饮品既朋友可以一试！环境卫生 8/10环境大，坐得舒适，适合同朋友聚
朋友系九龙湾番工，就佢近近地就系九龙湾食晚饭。由于朋友想食馒鱼饭，所以就黎左尼间食釜饭既试一试！我地两个人叫左两个釜饭套餐、一个甜品同两杯饭品！
餐汤：面豉汤
平时既我系唔饮面豉汤，但尼个面豉汤味道几好，唔会太咸，而且入面有好多配料，有豆腐、红萝卜、白萝卜同海带，每饮一啖汤都啖啖料！
馒鱼釜饭（鱼腩位置）
一黎到个卖相的确好吸引，馒鱼份量唔细，而且仲用两条鱼骨做装饰！馒鱼嫩滑，不过食入口未算叫做入口即溶，但连埋个秘制酱汁配上芝麻一齐食，都算系质素唔错！后尾朋友试埋个鱼骨，炸到脆卜卜，几特别几好味！
牛肉釜饭
牛肉份量好多，切到一粒粒咁黎烧，加埋个烧汁好好味！而且牛味好重，口感唔硬，大概7成熟左右，啖啖肉，所以两个饭相比起黎，我会钟意牛肉饭多少少！
甜品：黑芝麻蕨饼
蕨饼口感软糯，唔会太硬，黑芝麻粉份量亦好多！自己钟意整到细细旧咁黎食，令每一旧都痴满黑芝麻粉！
饮品：苹果蜜
尼杯系柚子蜜既朋友，但转左苹果自觉唔算太夹
饮品：紫薯力量
尼杯饮品入面有香蕉、紫薯、云尼拿、鲜奶、忌廉同蓝莓。成杯野饮香蕉同鲜奶味比较突出，钟意饮香蕉味饮品既朋友可以一试！
环境卫生 8/10
环境大，坐得舒适，适合同朋友聚旧吹水。
服务质素 8/10
店员唔会催埋单，亦都会不时主动斟水比你，抵赞！
张贴
