奇納百川 (已結業)

因为有海港城coupon同朋友介绍，今日去左试呢间韩国餐厅。星期六日无得book位，只可以walk-in。等左大约1个钟。要注意如果过左号码系无得补飞，要重新攞飞。限时90分钟。落左单好快上菜。沙律好大份，有牛肉鸡肉牛油果等，十分足料！！蕃薯条脆卜卜，个酱个柚子味好出！炸鸡劲新鲜，外脆内嫩。个蒜香蜜糖汁好好味！紫菜包饭卷都唔错，好足料。之后想加单叫埋另一款时已经售罄，要落单要趁早。海胆乌冬真心好食，大推👍。佢同一般海胆忌廉酱唔同，有酱油味，所以唔会腻。焦糖蛋系列饮品有惊喜，特别系咖啡十分配甜甜脆脆嘅焦糖面。放耐左个焦糖会结成一片，建议尽快饮用。红橙泡泡味道一般，打卡一流。服务一般。味道有惊喜。用海港城coupon后性价比高。有机会会再黎。