Wavy Bar & Restaurant

营业中

休息中

琴日无啦啦撞入左一间音乐酒吧餐厅，同大家开心share！呢间餐厅啲野又大份又好食，最特别系佢系一间音乐餐厅嚟，一入去就会见到有Live Band 嘅乐器系到，等人可以一边食野，一边欣赏现场乐队嘅表演。不过我星期三去嘅时候就无表演嘅，唔知系咪要星期六日先有呢🤔香辣单骨鸡翼(HK$66)首先，佢哋嘅香辣单骨鸡翼真系无得顶啊！啲鸡翼炸得香脆多汁，yum埋啲辣粉黎食劲野味！自制三色酱配麦乐鸡 (HK$66)佢真系劲大份，净系啲麦乐鸡都有12件！麦乐鸡炸得岩岩好，唔系用老油炸，每一块都好juicy，再配埋三款唔同嘅酱汁！佢三个酱分呢系沙律酱、千岛酱同甜酸酱 (应该系?)，我自己就最钟意甜酸酱！食得出个酱真系自家制，个味岩岩好劲开胃！美式黑椒牛肉意粉 (HK$168)呢碟真系一定要试！佢一上已经见到劲夸张，见到个摆盘系有用左心思，一大个特式碟装住意粉，周围围住沙律菜，打卡必备！咁当然佢唔系得个样，佢嘅黑椒味同牛肉味好重！牛肉炒得恰到好处，滑嫩多汁，再加上浓郁嘅黑椒酱汁😋不过作为女仔嘅我略嫌油左少少，我仔仔就无停过口咁食🙈明太子乌冬 (HK$118)如果你钟意日式风味，我推荐你试下佢哋嘅明太子乌冬。