影片
更多
2015-02-05
948 浏览
哈哈哈，琴日约左个朋友食饭仔，正当佢以为我会谂爆头食咩个时，其实我已经谂好食咩野㗎啦，我一早就瞄住呢间铺头好耐咖啦。因为自己一个人去嘅话，食唔到几多野㗎吗，呵呵呵，所以系早有预谋咁约我朋友系西环呢间小店度食嘅。呢间铺系第三街我行左阵净系见到间茶记，有啲唔知点好，所以就打去问，原来一问之下，系我发鸡盲，佢就系间茶记嘅上面。一入到去，就见到个有大玻璃嘅厨房，可以睇到啲厨师煮野食，又有个几简洁嘅bar枱，最重要都系出面个outdoor位好大，我好钟意呀。之后就去到order时间啦，一开餐牌，就谂比我头都大埋。虽然之前已经睇过啲食评已经谂住叫边几样，但其他野食都好吸引啰。谂爆头之下，终于叫左三文鱼他他配芥末黑醋汁，牛扒沙律，牛扒，德国猪手，软壳蟹risotto,仲有之后再叫嘅甜品法式炖蛋同tiramisu。等食期间，我发现前多小小有个小教堂，我觉得个感觉好似有啲啲首尾呼应咁嘅感觉。好得意好啦好啦，饿饿地，第一样三文鱼他他到啦，之前食嘅他他，都系一般无咩惊喜，但呢个我自己同朋友都认为好正正。我叉左小小打算食个时，个侍应哥哥叫我点埋嘅黑醋汁同芥末汁食，我不已为意，但都听话咁点左。痴线，好好食唔识点
呢间铺系第三街我行左阵净系见到间茶记，有啲唔知点好，所以就打去问，原来一问之下，系我发鸡盲，佢就系间茶记嘅上面。
一入到去，就见到个有大玻璃嘅厨房，可以睇到啲厨师煮野食，又有个几简洁嘅bar枱，最重要都系出面个outdoor位好大，我好钟意呀。
之后就去到order时间啦，一开餐牌，就谂比我头都大埋。虽然之前已经睇过啲食评已经谂住叫边几样，但其他野食都好吸引啰。
谂爆头之下，终于叫左三文鱼他他配芥末黑醋汁，牛扒沙律，牛扒，德国猪手，软壳蟹risotto,仲有之后再叫嘅甜品法式炖蛋同tiramisu。
等食期间，我发现前多小小有个小教堂，我觉得个感觉好似有啲啲首尾呼应咁嘅感觉。好得意
好啦好啦，饿饿地，第一样三文鱼他他到啦，之前食嘅他他，都系一般无咩惊喜，但呢个我自己同朋友都认为好正正。我叉左小小打算食个时，个侍应哥哥叫我点埋嘅黑醋汁同芥末汁食，我不已为意，但都听话咁点左。痴线，好好食唔识点讲，总之就好好食，之后侍应哥哥又走过黎叫我食啲三文鱼子，佢地个厨师有特别处理过，我即刻食左几粒，有啲日本豉油嘅味道，再加埋个三文有啲似食三文刺身咁，但系就唔腥，连我朋友唔食鱼嘅都食左一大半，早之就叫多个，之后个牛扒沙律同牛扒都上枱啦，我好钟意食沙律菜同牛肉，呢个沙律满足我两个愿望，好味道，又酸酸地辣辣地咁几醒胃呢之后单叫嘅牛扒都系goodgood嘅好嫩滑，好多汁。
之后我最最最期待嘅猪手同意大利饭，侍应哥送黎个时又系度提醒我地两样野都要快啲食，因outdoor会令到个饭同猪手仔好快冻，我地两个女仔快手快脚食食食。呵呵呵，估唔到个软壳蟹同个饭咁夹，我爱死个饭，个猪手仔又同个汁咁夹，食到我要问佢加汁，呵呵尴尬呢。虽然食到饱饱，但女人系有个甜品胃嘅邪恶生物，我地当然要叫个炖蛋同cake啦。呵呵tiramisu好好味，法式焦糖炖蛋都系goodgood嘅但我认为如果上面啲糖可以薄啲就更加好啦。
呵呵，下次我一定会再叫埋朋友一齐黎试其他好味野。因为咁样可以叫多几样野食，满足我嘅私心。
张贴
