影片
更多
2023-03-05
932 浏览
久不久都会陪屋企人去西环买干货，以往11点就买完搭埋车返屋企，但今次第一次午饭时间到达，就先带两老去揾食。酸辣汤同饺子都系我爸至爱，带佢去左两间睇餐牌，依间有15款饺子，比较专门做饺子，所以拣左依间。作为饺子控嘅我，点菜有几个大方向1）贪心食一款汤同一款煎，测试饺子皮2）拣一款基本味道嘅猪肉饺，测试厨房调味3）有羊饺一定会试4）必定会叫酸辣汤(面)，试下正宗唔正宗，而面底就视乎肚饿程度5）特色，而又令我有兴趣基于以上原则，加上近排唔食得牛，所以拣左白菜猪肉水饺，京葱羊肉煎饺，酸辣汤面，后加一个西洋菜猪肉水饺等食嘅途中，有时间慢慢欣赏店内环境，先望到炸饺子图片，心谂我睇餐牌时系咪睇漏左啲乜野特色小食？但下一秒我就见到“煎粟米猪肉饺”几个字，心知不妙。。先上酸辣汤面，汤系杰杰地，系我心目中嘅程度，配个幼面，本应系perfect match-杰汤可以挂面，而幼面又可以令每一啖都够汤。捞紧个面嘅时候已经觉得个酸辣汤料比较斋，冇肉丝，可能系唔同乡下嘅问题啦酸味系有，但同平时食开上海风味有唔同，至于辣味，系零，唔食得辣嘅妈妈都冇话辣，想食辣就自己加豆瓣酱。然后上“煎”饺，冇冰花嘅煎饺，似锦卤云吞，
酸辣汤同饺子都系我爸至爱，带佢去左两间睇餐牌，依间有15款饺子，比较专门做饺子，所以拣左依间。
作为饺子控嘅我，点菜有几个大方向
1）贪心食一款汤同一款煎，测试饺子皮
2）拣一款基本味道嘅猪肉饺，测试厨房调味
3）有羊饺一定会试
4）必定会叫酸辣汤(面)，试下正宗唔正宗，而面底就视乎肚饿程度
5）特色，而又令我有兴趣
基于以上原则，加上近排唔食得牛，所以拣左白菜猪肉水饺，京葱羊肉煎饺，酸辣汤面，后加一个西洋菜猪肉水饺
等食嘅途中，有时间慢慢欣赏店内环境，先望到炸饺子图片，心谂我睇餐牌时系咪睇漏左啲乜野特色小食？但下一秒我就见到“煎粟米猪肉饺”几个字，心知不妙。。
先上酸辣汤面，汤系杰杰地，系我心目中嘅程度，配个幼面，本应系perfect match-杰汤可以挂面，而幼面又可以令每一啖都够汤。捞紧个面嘅时候已经觉得个酸辣汤料比较斋，冇肉丝，可能系唔同乡下嘅问题啦酸味系有，但同平时食开上海风味有唔同，至于辣味，系零，唔食得辣嘅妈妈都冇话辣，想食辣就自己加豆瓣酱。
然后上“煎”饺，冇冰花嘅煎饺，似锦卤云吞，或者有得食煎酿三宝嘅车仔面档嘅炸菜肉饺咁。虽然同心目中有落差，但较浓味嘅饺经过有油嘅高温整过，味道会比较突出，个人认为依个定律系唔会有错。
最后系水饺，饺皮厚度适中，白菜猪肉饺系饺子中嘅原味、基本款。依个馅爽口到一个点，好奇心驱使我即场解剖饺子，以为有荀，点知。。系椰菜=_=”我即刻拎返餐牌睇，原来“一切以英文为准”。但椰菜真系好爽脆，似谂住用煮饺嘅时间煮熟椰菜，唔知系店主原有心思想做到咁爽脆，定系意外。
另一款水饺拣左西洋菜猪肉饺，因为有去开街市嘅我，知道依家西洋菜初出，比夏天时更嫰更甜。由于饺皮不厚，可以清楚睇到饺子馅好绿，菜好多，除菜叶外，馅中更加入菜梗，增加口感，有惊喜。
唔觉有太多味精，食完去买干货再返屋企都未需要chur水黎饮。
张贴
