影片
更多
2013-06-16
118 浏览
為左慶祝父親節，爸爸又想食泰國嘢，家姐見咁多人讚好，決定試一試！由於嚟之前已經bk左位，所以好快就有位，但我見出面好似都等得耐(可能星期日, 接近夜晚7點)，唔想等可以bk 定位先入到去一眼望晒，位唔算多，乾淨，但唔好預坐得好舒服。由於我無睇過食評，又見係細鋪，所以無特別期望，但食落都幾驚喜！我地叫咗生蝦刺身，炸蝦餅，泰東生菜包，冬蔭公湯，白灼獅蚶，椰青焗海鮮飯，再加一個椰青同一杯龍眼冰。先講有邊樣驚喜啦！ 第一位，竟然係椰青焗海鮮飯！！睇佢奇貌不揚，相貌平平，食落口竟然有一陣清新嘅椰香味！幾特別！可能係落咗椰奶，成個椰青入面嘅飯係有啲黏，甜甜地，仲有啲提子乾，椰青肉喺入面，好味，獲得我地三票好驚喜第一位 淨返無投果一票係因為家姐對甜既飯好感不大哈哈 第二位，冬蔭公湯冬蔭公有乜好驚喜呢??就係因為佢唔太辣，同時幾鮮味!事關本人好唔食得辣，即係譚仔十小辣已經好夠，所以就無諗過有得飲冬蔭公湯，以為會好辣。結果ok wo,又好鮮，推介俾唔食得辣既人一試。 第三位，竟然係龍眼冰！第一啖入口,好甜!龍眼味勁重！ 同平日飲嘅龍眼冰有啲唔同，如果你勁鍾意食龍眼乾就嗌嚟試下啦XD就係果種
入到去一眼望晒，位唔算多，乾淨，但唔好預坐得好舒服。
由於我無睇過食評，又見係細鋪，所以無特別期望，但食落都幾驚喜！
我地叫咗生蝦刺身，炸蝦餅，泰東生菜包，冬蔭公湯，白灼獅蚶，椰青焗海鮮飯，再加一個椰青同一杯龍眼冰。
先講有邊樣驚喜啦！
第一位，竟然係椰青焗海鮮飯！！
睇佢奇貌不揚，相貌平平，食落口竟然有一陣清新嘅椰香味！幾特別！可能係落咗椰奶，成個椰青入面嘅飯係有啲黏，甜甜地，仲有啲提子乾，椰青肉喺入面，好味，獲得我地三票好驚喜第一位 淨返無投果一票係因為家姐對甜既飯好感不大哈哈
第二位，冬蔭公湯
冬蔭公有乜好驚喜呢??就係因為佢唔太辣，同時幾鮮味!事關本人好唔食得辣，即係譚仔十小辣已經好夠，所以就無諗過有得飲冬蔭公湯，以為會好辣。結果ok wo,又好鮮，推介俾唔食得辣既人一試。
第三位，竟然係龍眼冰！
第一啖入口,好甜!龍眼味勁重！ 同平日飲嘅龍眼冰有啲唔同，如果你勁鍾意食龍眼乾就嗌嚟試下啦XD就係果種味!!
跟住就由好味到普通嘅排列逐樣稍為講下：
椰青: 凍冰冰, 超鮮甜!
生蝦刺身: 肉質超結實, 好咬口, 但鮮味不足, 一定要點個汁同夾塊蒜片! btw, 數量不多。
泰東生菜包: 因為幾辣, 所以我食左好少，不過不失!
炸蝦餅: 都係不過不失! 煎炸野, 唔會出事~~
白灼獅蚶: 可能我好少食獅蚶...唔太鍾意...
總括整講啦, 感覺上呢間鋪D泰國菜都好正宗!下次我會再泥試今次無食嘅「遊船河」同泰式沙津!
P.S. 呢間D服務態度真係普遍(麻麻), 你只要唔係搵話事果個呀姐,其他都會好少少...
後記: 食完嘢出泥，向住隔離幾間泰國鋪慢慢行，睇下買下野, 真係忽然覺得自己好似去左泰國自由行咁呀哈哈!昌發連住有間鋪賣小食(都係昌發)，買左D椰子糖，諗住買返屋企過下口癮, 點知勁好味，返屋企中途就全家一齊食晒哈哈!
题外话/补充资料：
只收現金！唔收visa! 請食飯要帶夠錢HAHA!
(以上食记乃用户个人意见 , 并不代表OpenRice之观点。)
张贴