力天冰室

营业中

休息中

新薄岗力天冰室，环境阔落，光猛整洁，座位好多，坐得舒服。早餐选择有好多，有各款粉面餐、三文治餐、欧陆早餐、力天菠萝油等，非常丰富。生滚够姜猪润公仔面：猪润煮到刚刚熟，口感爽滑弹牙，配3.6牛乳炒蛋、芝士火腿牛角酥，芝士呈半溶状态，牛角酥入口松软，实在令人难以抗拒。自选面餐：我拣左招牌沙嗲牛肉和3.6牛乳炒蛋配公仔面，沙嗲汤底花生香气浓郁，充满港式滋味，牛肉软腍，炒蛋嫩滑；我仲追加左炸得金黄酥脆既吉列鱼柳，一次过满足晒我既愿望。吞拿鱼沙律菠萝油：菠萝油系香港特色美食之一，呢度除左有真鲜牛油之外，仲有4款唔同既馅料，朋友拣左夹吞拿鱼沙律，好食又劲邪恶。龙凤柠乐：龙凤既意思系柠檬+咸柠檬，冰凉又解渴。总结，食物份量十足，出餐快，价钱亦好亲民，下次要再嚟食铁板餐。