影片
更多
2023-04-02
839 浏览
平时甚少去港岛东，今日去开西湾河𠮶边，顺道四围揾食。逛逛下无意中留意到呢间楼上店，幸好呢晚唔多人，walk-in都有位。呢度地方唔算大，但环境舒服，入面的装修摆设都有点家的感觉，都几切合到店名。今晚分别叫咗两个晚餐料理前菜梅渍车厘茄秋葵沙律：车厘茄用梅渍方法制，第一次食，好香甜又冇平时食开的车厘咖有种酸酸地的味道，好食！家‧养生汤品虫草花薯仔汤：饮得出完全无味精，好足料，好有住家汤水味道，原来仲有得添饮添！饭藜麦甘荀珍珠饭：加咗藜麦及甘荀粒，令到成碗饭更加健康小食(四选二)我地叫咗两个sets，当然就试哂四款啦药膳迷你醉鲍鱼：药膳味浓，鲍鱼够淋够入味，下面有一块白萝卜吸埋d汁，韩式泡菜豚肉片：无平时食开的泡菜𠮶种辣，豚肉亦够入味蟹肉牛油果他他：我本身钟意食蟹亦钟意牛油果，呢个小食好啱我口味，估唔到蟹肉同牛油果味道原来咁夹，两样都可以互相带出各自味道日式炒野菜：入面有椰菜、甘荀丝同杂菇，味道正常发挥主菜慢煮挪威三文鱼柳配青菜忌廉酱：满满的青菜忌廉酱好香浓，三文鱼柳啖啖肉香煎北海道豚肉扒配苹果酱：呢个主菜真系好有惊喜，豚肉扒外皮似系有少少炸过，入面肉质非常松软，唔驶点咬咁，而且好入味。上面
呢度地方唔算大，但环境舒服，入面的装修摆设都有点家的感觉，都几切合到店名。
今晚分别叫咗两个晚餐料理前菜
梅渍车厘茄秋葵沙律：车厘茄用梅渍方法制，第一次食，好香甜又冇平时食开的车厘咖有种酸酸地的味道，好食！
家‧养生汤品虫草花薯仔汤：饮得出完全无味精，好足料，好有住家汤水味道，原来仲有得添饮添！
饭藜麦甘荀珍珠饭：加咗藜麦及甘荀粒，令到成碗饭更加健康
小食(四选二)我地叫咗两个sets，当然就试哂四款啦
药膳迷你醉鲍鱼：药膳味浓，鲍鱼够淋够入味，下面有一块白萝卜吸埋d汁，
韩式泡菜豚肉片：无平时食开的泡菜𠮶种辣，豚肉亦够入味
蟹肉牛油果他他：我本身钟意食蟹亦钟意牛油果，呢个小食好啱我口味，估唔到蟹肉同牛油果味道原来咁夹，两样都可以互相带出各自味道
日式炒野菜：入面有椰菜、甘荀丝同杂菇，味道正常发挥
主菜慢煮挪威三文鱼柳配青菜忌廉酱：满满的青菜忌廉酱好香浓，三文鱼柳啖啖肉
香煎北海道豚肉扒配苹果酱：呢个主菜真系好有惊喜，豚肉扒外皮似系有少少炸过，入面肉质非常松软，唔驶点咬咁，而且好入味。上面淋上有苹果粒的酱，苹果味道唔会太甜，淡淡苹果香唔会抢过肉味，估唔到呢个咁好食，绝对系成餐的亮点所在！
加钱升级甜品日本蕨饼：烟烟靭靭，亦都系正常发挥
呢间小店主要系家庭式经营，同其中一位店主倾开，话佢家姐好用心咁钻研菜式。除咗呢度食物质素高，制作有诚意之外，不得不赞佢地的服务态度有礼亲切，招呼周到，而价钱亦合理，成餐晚饭我地都好满意。用心小店实在值得支持！
张贴
