CAMPSITE (K11 ATELIER)

营业中

休息中

钟意露营嘅朋友仔有口福喇！啱啱去咗鲗鱼涌一间以豪华露营为主题嘅餐厅，入面嘅装修以木为主调，提供优质嘅营火美食同西日fusion料理。本身并唔系露营爱好者，总觉得露营又热又多蚊虫，而且食嘅野都系好求其同hea😅但呢度又有冷气又干净舒适，而且食物仲相当惊喜，真系改变咗我对营火食物嘅睇法🙈 简直系享受豪华嘅露营体验⛺️晚餐时段仲好有气氛，灯光柔和舒适，非常适合生日、纪念日之类庆祝。🔸铁锅煮青口 （麒麟啤风干肠味）- 青口可自选酱汁，见呢个比较特别所以试试。呢只应该系蓝青口，质地好滑，唔会有草青味。啤酒味好香浓，但又唔会盖过青口嘅鲜甜，非常有惊喜👍🏼🔶 火焰北美大蟹肉 - 面包好脆口，蟹盖好惹味，放喺度烧𠮶阵已经觉得劲香，搽面包食超开胃🤤诚意推介🙌🔶 和牛扒配和牛骨髓 - 蒜味好浓，偏咸。和牛非常嫰滑，牛骨髓好惹味，搽面包食绝配！完全唔需要再搽酱汁。🔶豆腐柚子樱花面 - 面质地好滑，好清香，满满柚子味，夏天食非常开胃。豆腐轻轻烧过，所以好香口。🔶巴斯克焦香芝士蛋糕 - 两个人食刚好，质地比较淋身，唔系重芝士𠮶种，所以相对都冇咁腻。