悠閑閣餐廳 (已結業)

今晚屋企无饭食，同老公出街揾野食，系openrice 揾到呢间，记得系好耐以前食过屯门个间分店，今次试呢间。我地无book 位walk in 入去，见唔系好多人，个场好大，坐左7-8台。好舒服， 星期五，六晚仲有live band, 好正，唱好多旧英文歌，食物系set dinner,包面包，沙律，餐汤，主菜同餐饮，价钱由$7x-$2xx不等。我叫左牛扒，老公叫左杂扒， 牛扒五成熟，好大块，好淋，不过根位多dd,不过唔影响，有个汁，食落有d 酒未，但配牛肉好好食。老公个杂扒除左猪牛鸡外仲有羊架同煎蛋，几特别。沙律就日式芝麻酱沙律，几开胃，餐汤应该系薯仔汤。可以系咁舒服既环境下用餐，真系好难得，可能系位置比较难揾，所以唔系咁多人知，但我先得真系值得推荐，而且系社企，可以帮到有需要既人，等佢地可以自力更生，更加值得支持。另外值得一赞既系侍应既态度好好，好有礼貌。