楽壽司 (已結業)

呢个月公众假期多，但无时间去旅行。。。 趁有红日前夕就约埋个好姊妹去食番间朋友介绍好耐既日本餐厅【乐寿司】，准备享受一下 ~呢度环境好有东瀛气氛，可以呃到自己系置身日本~ 坐低之后望下左望下右，睇下隔离枱食紧d咩好野，见到d菜式卖相都几精致，即刻心心眼，对呢餐「omakase」十分期待~首先黎既系系日本富山县白梅贝，师傅见我地两个对呢道菜好好奇，就主动介绍话白梅贝系春天至初夏季盛产，所以而家好当造。佢地用清蒸方式去处理，好处就系可以保留到鲜甜味，上菜前好有心思咁薄薄地涂一层刺身酱油，就好提鲜架喇~哗，真系好fresh呀！第一件寿司既系䲠鱼，原来春天既䲠鱼，因为需要储存蛋白质准备产卵，所以肉质特别甘甜肥美，睇得出师傅真系好有心专拣时令食材。轻烧过䲠鱼既皮后，再系鱼肉上放少少洋葱丝同酱油，最能带出果份鲜味，oishii~继续出场既系日本长崎产针鱼~呢个可以话系对鲜度要求极高既人既必食之选，本身鱼肉够晒新鲜，根本唔需要任何加工，直接做成刺身就最适合，食落肉质结实，味道清淡自然~第一件重头戏寿司系薄切中吞拿鱼腩，薄切后更带出吞拿鱼油脂香味，夹埋少少芥末渍食就可以完全食到果种鲜味~朋友系海胆狂迷