小王牛肉麵 (已結業)

行过几次今次决定入去试吓，去到餐厅嘅时候大概12点半，所以都好多位拣。午市有几个餐不过一开始见到Menu已经想叫我仔面线，所以最后男朋友叫咗牛肉面餐，跟餐再加盐酥拼盘，因为食台湾野冇理由唔食盐酥鸡😆。嘢饮叫咗珍珠奶茶同埋桂花生姜茶。个牛肉面汤底唔错，有肉骨茶嘅味道，好香，份量好够，最重要系好够热！蚵仔面线好有惊喜，里面啲料好有层次，有蚵仔、猪肉丸条、猪肠、冬菇，好钟意个面线同埋个汤，最紧要都系超够热！盐酥拼盘可以拣三样嘢，我哋拣咗盐酥鸡、豆腐、贡丸。个盐酥鸡好好味，豆腐都唔错。桂花生姜茶好好味，桂花糖同姜嘅份量落得刚好，饮完个胃好舒服。会再嚟！