越男仔 (已結業)

招牌海南鸡饭一开头铺头已经推介海南鸡饭，点知叫咗食落有惊喜。佢个鸡油饭好香，亦都好大碗，份量十足。其后鸡嚟讲，应该好彩有鸡髀食，鸡就都滑既，加上葱油同埋有炸蒜，令到啲鸡更加好味。整体嚟讲对得起呢个价钱有余！捞牛肉檬粉成个檬粉都有好足配料，啲牛肉汁令到啲牛肉好入味。檬粉嚟讲都唔错既，配埋新鲜洋葱同菜丝，令到成个粉更加有新鲜感同爽口感觉。椰子酸菜汤呢个汤都系舖头推介，原先觉得好似唔系好夹，不过我叫咗饮咗两啖之后，发现完全两回事。成个汤椰子味好重，亦都酸酸地，好开胃。之后搞到我本身饱饱地都食多咗好多，呢个汤真系抵赞！环境环境嚟讲呢间舖开系大会堂附近，不过要行少少先到荃湾同荃湾西站。以街舖嚟讲佢已经唔错。亦都有面墙，挂咗唔同车嘅相俾大家打下卡咁。佢亦都唔知有一间分店，除咗呢间，大家都可以试吓第二间。