大吉居酒屋 (已結業)

啱啱中环见完客，有点儿饿……谂住简简单单 食个午饭就算！眼见翠华条人龙就云低咗，等得嚟都饿死咗！见倒对面有间居酒屋……大吉！ 个招牌好细好唔显眼 ……好耐之前听朋友讲过吓有间咁嘅嘢， 好似系食放题之类嘅嘢……上到去先知……原来转咗型虽然好多客人！胜在吾使等位！午市时间店员都好忙……但都好有礼貌咁极力推介呢度嘅鱼生饭同寿司…… 佢话呢度嘅寿司饭用嘅系日本北海道七星米……一定要试！于是我就点咗个三色丼定食个名好似好普通！事实上一啲都吾普通……非常正整个定食都非常丰富…… 有前菜、咸莱、沙律、 面豉汤、蒸旦、甜品同主菜~鱼生饭先讲吓个饭先!真系冇介绍错……饭粒松软，口感清爽……赤身~口感坚实，有弹性!三文鱼籽~晶莹剔透粒粒都好饱满!帆立贝~肉质都好丰厚、非常鲜甜!仲多咗两件自家制玉子烧㖭店员话就连用嘅寿司姜都系厨师自家腌制……非常好味……喺中环区用呢个价钱食到咁高质素嘅定食……今餐真系非常满足下次一定会再嚟试吓呢度嘅寿司先