影片
更多
2013-11-07
8139 浏览
去沙田探朋友，之后后话试新嘢，就去咗依间餐厅食自助餐，其实对自助餐兴趣不大，因为食嚟食去都系𠮶啲嘢，不过朋友叫到，就去试下啦。一入到去，餐厅唔系太多人，所以感觉唔错。之后待应带咗我哋坐近窗边嘅位，一放低嘢就梗系出去睇下有乜好食啦。先睇冷盆～沙律选择唔算多，正正常常有我啱食嘅罗马生菜等，dressing 都可以接受。cold cut方面居然有parma ham!! 上次去jw marriott, 俾成600几都冇片Parma ham 你食，山长水远嚟到沙田居然有，我当堂抵咗。生蚝就预咗冇，有长脚蟹同唔知乜蟹仲有大蚬同虾，味道中规中举。之后有寿司鱼生，切鱼生个姐姐好热情，系咁推介鱼生俾你，我咩都要咗啲再加个mini鱼生饭，鱼生肥美但个饭更加出色，唔会太酸又有咬口，有heart过其他自助餐先啦，起码个饭唔hea。之后就热食，有粉面同粥不过我skip咗，有咖喱同中西汤，试咗南瓜汤，好creamy又甜甜哋，好味！之后有热食有煮花螺，咖哩蟹，煮蚬，同鱼。一问之下先知做紧避风塘promotion! 哗....避风塘抄蟹都冇就叫避风塘promotion, 似乎有点那个....由细食兴记食到大，避风塘海
一入到去，餐厅唔系太多人，所以感觉唔错。之后待应带咗我哋坐近窗边嘅位，一放低嘢就梗系出去睇下有乜好食啦。
先睇冷盆～
沙律选择唔算多，正正常常有我啱食嘅罗马生菜等，dressing 都可以接受。cold cut方面居然有parma ham!! 上次去jw marriott, 俾成600几都冇片Parma ham 你食，山长水远嚟到沙田居然有，我当堂抵咗。生蚝就预咗冇，有长脚蟹同唔知乜蟹仲有大蚬同虾，味道中规中举。之后有寿司鱼生，切鱼生个姐姐好热情，系咁推介鱼生俾你，我咩都要咗啲再加个mini鱼生饭，鱼生肥美但个饭更加出色，唔会太酸又有咬口，有heart过其他自助餐先啦，起码个饭唔hea。
之后就热食，有粉面同粥不过我skip咗，有咖喱同中西汤，试咗南瓜汤，好creamy又甜甜哋，好味！之后有热食有煮花螺，咖哩蟹，煮蚬，同鱼。一问之下先知做紧避风塘promotion! 哗....避风塘抄蟹都冇就叫避风塘promotion, 似乎有点那个....由细食兴记食到大，避风塘海鲜起码有油盐水煮泥鳅，抄蚬抄蟹依啲菜式，仲有烧鸭河同六小碟呢，anyway, 酒店唔系专做依的菜式，就算有都未必好食，所以都尚算可以接受，我就一样都冇试，同行友人就大赞啲咖哩蟹好味。
我就试咗barbecue rib, 烧牛肉。有惊喜就系居然有corn beef!!!!!! omg, 喺buffet食corn beef都系第一次，而且味道仲超好，又soft又入味，真系劲好食。食到依度都饱饱哋，所以铁板烧都冇食，不过见佢哋烧啲steak好似唔错。
甜品推介有超流心嘅心太软同个三角形嘅chocolate cake, 个chocolate cake唔会太甜又有果酱中甜腻感,正！
而令我最最最最最喜出望外嘅系佢个皮蛋酥，细细个，中间啲莲蓉好滑，子姜又同皮蛋好夹，真系好食到唔识形容，谂返起都流口水，一定好食过恒香荣华，唔系夸但真系比我食过嘅皮蛋酥好味，如果以后食唔返真系唔知点算！之后顺便试埋个木瓜雪耳糖水，又系有惊喜，清甜有木瓜香，绝对超出自助餐预期！
咁既价钱绝对物超所值，一定会为个皮蛋酥再返嚟！
张贴
