泰廚泰國菜館

营业中

休息中

假期前夕，劲有放假MOOD，放工梗系同朋友出黎食饭架啦，上OPENRICE见到呢家泰国菜餐厅，COMMENTS唔错，交通又方便，就决定黎试下啦。行完花园街同金鱼街，睇过可爱既动物们同金鱼之后，好快就闻到香喷喷既串烧味，就知道餐厅就系我地前面啦。入到去里面见到有好多泰国既相片，好有泰国风味，里面有两层，我地拣左坐下面。虾饼外层炸到金黄香脆之余仲有香浓的鲜虾味，好弹牙，唔系太油腻，配上酸甜酱真系一流，好滋味。香叶辣椒肉碎绘饭系跟只煎蛋既，如果只煎蛋可以做到半生熟有蛋汁流出黎既效果就好啦。肉碎比较辣同咸，所以一定要捞饭黎食，味道相当唔错。串烧我地试左鸡同猪，肉质爽滑仲大大条，烧得岩岩好，加埋香香甜甜既沙嗲酱, 好美味。