成發粉麺 (已結業)

话说星期日去完camp，番屋企途中见到裕民坊新开呢间成发粉面，肚又少少饿，决定入去试试佢！嗌左个沙瓜河，其实嗌既时候都唔知沙瓜系乜黎，不过见佢贴出黎张纸话好珍贵，所以试下。原来沙瓜系皱胃，系反刍动物既第四个胃，牛沙瓜体积比较小，所以好罕有架！我又识多样野喇！过左一阵就有喇，河粉上面有大概5-6件沙瓜。试一啖汤先，唔会好味精，牛腩清汤底好好味！河粉薄身，好滑，唔会痴到一旧旧。入正题啦，牛沙瓜，咬落去佢上面个折折位感觉好得意，好少少咬口，但又唔系爽或弹牙果只。加埋佢个辣椒油真系无敌，佢入面有蒜香味，唔算太辣，点牛沙瓜零舍好食！