新翠華茶餐廳

营业中

休息中

放假到朋友屋企打几圈, 一系唔打一打就打到天昏地暗, 由晚间七点打到第二朝八点, 都好我系属于赢家嘅一个, 虽然打得细, 赢输都冇所谓志在大家happy, 但系赢咗就总系开心嘅, 由我请食早餐又点话。 就系咁样 , 朋友就带咗我哋去到呢一间茶餐厅食早餐。我见到好多食客都有叫菠萝油, 所以我同样都叫咗个菠萝油试下咩味, 其实我好耐冇食过菠萝油啦, 因为女仔怕肥呀嘛, 不过算啦, 久唔久先食一个我谂冇所谓呱, 唔好睇小呢个菠萝油, 其实都几重手㗎, 而且嚟嘅时候仲系热嘅, 菠萝酥皮好脆口, 面包又够软熟, 甜甜地好好味, 夹埋件牛油真系正, 超够港式风味, 如果硬系要讲佢嘅弱点的话, 就系件牛油薄咗啲啰, 如果件牛油厚啲仲邪恶仲好味呀。