瀧赤料理 (已結業)

好耐无同妈妈出去食饭啦, 一于今晚同佢出去提早做冬, 等佢可以抖下唔使煮屯门新墟宜家开左好多细细间既餐厅, 间间都几吸引咁, 最后拣咗呢间整修简约既日式餐厅间餐厅啱啱开张仲试业紧, 内笼其实好细, 总共得四张枱，我地入去𠮶时未满座, 但一坐低即刻陆续有客入, 好快就满咗睇嚟大家都好有兴趣试新野我地落左ORDER之后, 十分钟唔使啲𩠌已经陆续上枱, 我叫左一个鳗鱼丼俾妈妈, 因为佢唔食生野既夹咗啲鳗鱼嚟食, 两块大大块既鳗鱼差唔多遮住成个碗, 鳗表面烧得好香, 少少脆脆地, 加埋面头啲芝麻一齐食, 仲香啲添, 个饭仲有好多配菜, 有腌萝白, 仲好入味丫, 鳗鱼底有啲蛋碎同紫菜, 咁多𩠌好抵食我自己就叫左个烧牛肉饭, 啲牛肉刚刚烧好就上台, 薄薄地但有好多块, 食落除左好入味既烧汁之外, 仲有阵唔抢喉既姜味, 开头以为自己有错觉, 之后先发现原来系真系有姜㖞, 平时食既烧汁牛肉都无觉师傅有落姜, 又几特别㖞, 唔辣之余又可以提起牛肉啲肉味, 仲有碗面豉汤, 唔咸啱我仲有叫左火炙塩烧同汁烧带子寿司各一, 火炙左口鱼边寿司, 虽然话系寿司, 不过粒带子都好大粒丫, 外面熟左, 入面仲保留住嫰滑