Fûhn Express (已結業)

放工要去太子，约左女友系旺角火车站等。佢未黎到就觉得有D肚饿…所以等佢到左就捉佢系附近食左野先。佢话而家天气热，唔想周街走，就入左MOKO 揾食。最后都系上左去food court，而家呢间都几多选择，最惊喜系呢度原来有Fuhn! 以快餐既越南粉面黎讲呢间都几有水准。而且系food court价钱好亲民。就分别叫左一个捞檬同一个汤河。女友拣左特式鸡丝汤河，呢个既𩠌方面都好多野，除左有鸡丝之外，佢仲有鹌鹑蛋同埋鸡肉丸，唔错! 女友话个汤底好饮，平时佢好少饮汤的，怕味精重，但呢个用返鸡汤好清好香! 汤河厚度适中，而且𩠌菜份量都好多，鸡丝又唔会好um，而且个鸡肉丸都好有惊喜，第一口有D似贡丸，之后再咬发现个鸡味都几香，好弹牙! 原来我地两碗汤粉同捞檬都有越式春卷送，唔怪得多左一碟小食，仲以为畀多左，哈哈。呢个春卷都炸得好香口，个网面好松脆，而且佢唔算好大条，反而容易食，食落口又唔会太油。我既香茅猪扒捞檬真系有水准，配料齐全，份量十足，最紧要个猪扒好香又松脆，肉又冇雪味! 佢个捞檬汁酸甜度刚好!