Promenade 西餐廳

营业中

休息中

衣家真系好少食自助餐，因为性价比低到爆，好多时琳琅满目，攞到返埋位原来系除时中伏，不过因为母亲节，于是就去咗呢一间。晚餐食早段5:30-7:30，每位$7xx，食物质素同款式都有惊喜。海鲜冻盘有青口、冻虾、baby blue、面包蟹同长脚蟹脚，质素算中上，长脚蟹脚d肉未算肥美，不过叫做入面瘦孟孟空气多过肉，面包蟹蟹盖都有d膏啦。刺身有三文鱼、吞拿鱼、希灵鱼、油甘鱼、鲷鱼、赤贝、带子同阿根廷大只刺身虾，质素都好，最突出系油甘鱼，好肥美，鱼油好香，另外带子同赤贝都出色，至于三文鱼吞带鱼同鲷鱼就系一般出面自助餐质素。扒有羊架同肉眼，羊架唔太肥，好食，肉眼就太多筋。其他贵价野就有中式蒸鲍鱼、炆花胶、即开生蚝、芝士焗龙虾(半只)、煎鹅肝。呢啲都系一般质素，不过起码叫做有啦。另有movenpick 雪糕同haagen daz雪糕bar。整体我觉得ok啦，食物质素同款式都有惊喜。