海街丼 (東港城)

营业中

休息中

💚海街丼💙每一份都系set嚟，都会配有味噌汤+蕃茄+野饮。小编几钟意食佢个蕃茄，酸酸甜甜，几开胃。滑蛋猪扒饭 $80份量好足。猪扒都算嫩滑，而且都大块，外脆内软。但个汁可以就稍微咸咗啲，就算捞哂饭都有啲咸。豚肉生姜烧丼 $85呢个会再附送一只生鸡蛋，俾你捞埋一齐食。豚肉片好多，唔会因为煮太耐而变得好韧，味道啱啱好。鳗鱼饭 $125鳗鱼size正常，而且都算新鲜。不过汁可能要多返少少，因为唔够捞埋饭😂海宝丼$115呢个系最快上。就正正常常，唔差，冇乜特别，但配料都算多，份量都系正常。薯仔沙律 $38呢个薯仔蓉沙律几好食，好滑。佢除咗薯仔蓉之外，仲加咗唔少青瓜鱼蛋等，增加口感。份量细细，啱哂做前菜，甚至系胃口好细/未饿但又想食野嘅朋友。炸油甘鱼粒 $60一个字：腥。炸到外脆内软，仲见到有少少油系鱼肉中间，都新鲜。但就真系好腥，不过食呢类鱼应该系预咗？小编就唔识欣赏。呢间铺系完全冇任何面类，只有唔同类型嘅丼，所以唔钟意食饭嘅朋友就要谂清楚。但整体系可以再帮衬嘅，平时同屋企人食饭唔想食得太cheap，想试吓新野，就好岩嚟呢度。