喜瑪拉雅餐廳

营业中

休息中

本身系去食越南牛肉河粉，点知过左Last order，所以拣左呢间餐厅试一试。个menu 好多嘢拣，睇都有排睇😜未落单就上咗一个小食脆脆，有2款酱，正。两个人食，叫左咖哩鸡，naan 薄饼，饺子，沙律，汤，薯块，甜品🤣最后多到食唔晒，因为估唔到佢咁大份。咖哩鸡唔好睇佢个桶好似好细，其实入面满晒，个味唔系好辣，因为有番茄一齐煮，几浓味，加埋个薄饼，唔错。食食吓啲辣就会出嚟😳食客可以望到厨师飞薄饼，即叫即整咁，好新鲜热辣。左边👈🏻绿色嘅系汤，几咸😂几特别，少少酸，几开胃，可以一试嘅右边👉🏻沙律，系最淡嘅一碟菜式，清清哋，个沙律酱都唔系好浓味。所以食食吓咖哩可以清下个口😂薯块我哋以为系好炸，好脆，原来唔系😅不过系好食嘅！完全唔洗加茄汁食。少少辣。另外叫左饺子，不过无特别，好似平时食开果种，不过多咗一个酱可以点。总结，有机会下次会再食👍🏻，想试埋lunch 自助餐。