千葉鳥

营业中

休息中

间唔中都会入天水围，有时探朋友，有时去湿地公园，今日个老友就带咗过嚟天泽商场食日本嘢，因为佢本身喺天瑞邨住，所以佢知道边间比较好食，去到门口见到装修都几特别，真系好似去咗日本嘅居酒屋咁，入到去地方虽然唔系好大，但系都好整洁，而且完全系日式风格千叶鸟炙烧三文鱼腩左口鱼背脆脆饭 76 元卖相已经好吸引，而且份量都好多，有三文鱼腩.玉子.左口鱼，三文鱼经过烧香，将鱼腩嘅油脂迫左出嚟，入口多咗一份焦香味，而鱼腩嘅肉质非常爽口，而且仲好鲜甜。脆脆饭都几好食，因为有各种嘅调味紫菜，特别开胃。极上寿司盛合 132 元有十几件寿司，而且每一样都系好受欢迎，海胆寿司嘅份量好多，而且入口仲系好鲜甜，海胆好新鲜完全唔使调味，净系食个鲜味已经好满足。带子寿司，带子系厚切，口感爽甜，鲜味十足。厚切三文鱼腩刺身 60元呢个简直系我最爱，三文鱼腩非常新鲜，三文鱼腩嘅油脂丰富，鱼味浓郁，望落去色泽都系好靓。今日非常满足，食咗一餐好好味嘅日本餐，当结帐嘅时候，见到隔离枱有个牛肉火锅，卖相都系好吸引，下次会再同朋友嚟呢度试下佢。