CHIMPZ (已結業)

铜锣湾有间隐蔽猩猩主题餐厅，装修得意，啲嘢食又好味，尤其系意粉，有惊喜😍叫咗一份沙律，一份意粉，可以加钱配埋餐汤同嘢饮，最后叫多个甜品，好满足。餐汤好好饮，有惊喜，卖相都好得，饮得出有薯仔嘅忌廉汤，好唔错，而且够热，正。👍🏻沙律系烟三文鱼牛油果凯撒沙律，三文鱼藏系底，有三大块，沙律酱好多，好够味。意粉系今次最满意嘅，宫保大虾意粉，少少辣，少少甜，好惹味，中西结合，酱汁做得好好，一啲都唔伏，比平时食嘅肉酱意粉好味好多，值得一试🥰最后甜品都好好味--烤萍果脆顶奶酥配雪糕，有层薄薄嘅萍果，饼底酥脆，加埋曲奇味嘅雪糕，口感丰富，甜而不漏，一流😋