鳥魂 (已結業)

老友叙旧兼揾食，今次试咗呢间系太子嘅小店。一行四人叫咗以下食物，初头仲谂够唔够饱，最后冇叫饭面都食到饱饱同好满足😋。可能年纪大咗食少咗😌前菜 - 正常，但佢个腌萝卜好特别，唔同黄色𠮶啲咁普通，少许醋酸得嚟好清甜仲好似有阵轻轻嘅山葵味道，总之就好清新同开胃，好食凡立贝刺身六切 - 正常、新鲜烧日本蚝 - 全晚我最喜欢、肥美可口、淡淡嘅白胡椒更加带出蚝嘅鲜味盐葱薄切、厚切牛舌 - 第一次豁出去脷叠脷，好好食，尤其厚切更有Q弹质感烧鸡腿肉 - 正常、嫩滑盐烧白鳝- 好食，仲有烧鱼皮时渗出嘅油香半熟鸡肝 - 我本身唔食内脏，朋友话好食似鹅肝，试咗一啖还可以，不过唔系我杯茶盐葱五花肉 - 好食，少少肥多多脆黄花一夜干- 好食，皮脆肉嫩鸡泡鱼干 - 正常送酒海盗芝士 - 少少咸多多脆，店长推介送酒手作雪糕- 浓滑 另外，当日清酒八五折，店长介绍第一支叫夏酒，偏甘口易入口。第二支系小店自家品牌 鸟魂，微甘口，米味温和更顺喉，毕竟系山田锦出品有一定保证。整体很满意，值得推荐，下次会再去