八時神仙草 (厚福街)

营业中

休息中

厚福街有好多嘢食😃食完正餐最啱就系食甜品，呢度有间台式甜品店，主打仙草！装修简约坐得都几舒服，同朋友仔食完饭坐低倾吓偈就啱晒。鲜奶红豆紫米粥盛52超级推介，比我想像中好食好多，本身红豆紫米露已经煮得好香好好味，感觉本身系微糖所以唔使担心太甜。配料方面有芋圆、薯圆、珍珠😃超级有口感咬落去烟韧带。加上天气冻，呢个甜品就会变得更加吸引！仙草紫米牛奶沙冰42粒粒紫米有咬口😁芒果甘露冻42就咁睇已经见到仙草份量好多，入边仲有啲口感烟韧嘅珍珠，饮落去酸酸地，混合起嚟口感丰富，整体都好好饮！芋泥西米奶冻42爆多芋泥😝本身劲钟意芋泥嘅朋友要留意，呢杯冇得输，唔会太甜芋头味道香浓。