E Molto Buono (已結業)

有一个钟意食嘢嘅朋友真系好幸福，因为佢会成日带我去唔同嘅餐厅，今次呢间餐厅，虽然喺铜锣湾，不过近桥底附近嘅楼上餐厅，本身对佢冇乜期望，点知原来貌似旧楼，但一打开电梯已经闪闪发光，再入到餐厅，不论环境服务同食物都令我好有惊喜。晚餐每个人价钱九百几蚊，头盘我哋每人嗌咗一款，有吞拿鱼刺身Tata酱，同埋烧鹌鹑，一上枱见到卖相非常精致，吞拿鱼配上海胆酱，放喺精致嘅木盒上边，除咗味道好好，放上网打卡一流。再来一碗蘑菇汤，极度香浓，每一啖都食到蘑菇粹，好香滑，超级好喝。另外烧长脚蟹上面有咸蛋黄一齐烧，有2个层次味道，好好味！朋友叫嘅鹅肝，虽然我唔食，不过见到卖相好靓，而且煎得好香。然后主菜，我自己点左澳洲和牛面颊，入口即溶嘅感觉真系好正，最钟意佢配上大量嘅蔬菜，令到就算食完成个主菜，都唔会有好溜嘅感觉。朋友叫咗m9和牛肉眼扒，朋友高度赞赏，佢话如果呢块扒喺酒店度食，净系呢块扒都差唔多一千蚊，所以大家都觉得真系性价比高。最后甜品我点左粟子蓉甜品，唔会太甜，但食到好香嘅栗子味，连粒榛子朱古力都系脆卜卜，超级好味，真系多谢朋友介绍又食到一餐好好味嘅晚餐。