吉列牛忌廉烏冬專門店 (百樂中心) (已結業)

讲咗好耐要试嘅 #吉列牛忌廉乌冬专门店 ，呢日终于揾到人陪我🥳 仲谂住 #weekdays 仲要系 #上楼舖，应该唔使book位… 点知未够七点餐厅已经坐满六七成客😉 睇嚟今次我冇拣错😏餐牌上除咗 #乌冬 之外，其实都有其他嘅选择，不过话晒第一次嚟帮衬，梗系要试吓佢哋驰名嘅乌冬啦！#忌廉乌冬 卖相虽然吸引，但系睇嚟都几肥腻吓😅 所以我最终都拣咗个 #涮涮野菜牛肉锅，而重口味嘅朋友仔，当然要试吓佢哋嘅 #咖喱汤底 啦😉 落单冇几耐，热辣辣嘅 #乌冬锅 已经送到我哋面前，清汤底饮落去都几鲜甜，乌冬口感好软熟，不枉我期待咗咁耐！不过最估唔到嘅系配料之一嘅 #牛肉 质素，以百几蚊嚟讲都算唔错🤤 有牛味之余、肉质都几有咬口，配埋大量嘅 #娃娃菜 同 #菇菌 一齐食，呢个配搭一流🤤🤤餐厅整体食物质素令人满意，只系两位服务员由落单到上菜全程都木口木面… cool咗啲啰😏 不过为咗可以试埋其他款式，我应该好快会再返嚟帮衬㗎喇😉📍 吉列牛忌廉乌冬专门店 (铜锣湾)耀华街3号百乐中心22楼