影片
更多
2024-08-11
361 浏览
今日要去浸会医院探朋友，谂住买啲嘢俾佢食，因为都成夜晚九点，对面个商场得返间七仔一间日本嘢同一间小食店，咁就谂住简简单单睇吓小食店有啲咩可以买嚟同朋友一齐食，但系一望佢个餐牌一碗碗仔翅要$50 一碗生菜鱼肉要$40，真系有啲贵，当我犹豫之际，老板娘同我讲啲生菜鱼肉同碗仔翅全部都系自己亲手整，而且系冇味精,最好笑系跟住个老板突然走出嚟用一个非常之坚定嘅眼神望住我同我讲你食过一定会返转头，我见过老板咁有信心就即管每样买一碗试下，我自己一直都好钟意食碗仔翅，但自从尖沙咀棉登径个车仔阿叔冇咗之后都未食过好食嘅碗仔翅，但呢度真系有惊喜，个碗仔翅汤好浓好多料啲冬菇好滑仲要有竹笙，而且佢真系有翅，不过系素翅唔系粉丝，最重要佢唔系好似浆糊咁，食到落最底都仲系有料，觉得佢真系真心做出嚟，最后全部食晒，生菜鱼肉我朋友食佢都话啲鱼肉好弹牙个汤底好清甜连汤都饮晒，个老板真系冇吹水，我一定会再食，不过真系要去开附近先，个位真系有啲吊脚😅
张贴