築地銀だこ (創紀之城五期(apm))

营业中

休息中

星期五晚放工后，约咗朋友去APM Food Fiesta ( food court )食章鱼烧😄由于大家都比较早放工，所以大概七点已经喺观塘😄好好彩，我哋用咗几分钟就已经揾到位坐低😄我哋叫咗原味正宗章鱼烧（八件）套餐，餐饮叫咗原味抹茶😄另一个套餐我哋拣咗日式高菜炒饭加原味饺子，餐饮跟可乐😆章鱼烧热辣辣，一贯咁好食😋😋😋我哋之前试过食其他味，但始终都系觉得原味章鱼烧系最好食😅🤣😋 原味抹茶普普通通，冇咩特别😅最有惊喜嘅，反而系日式高菜炒饭😆因为之前同朋友曾经食过，而佢嘅记忆系觉得呢个炒饭炒得比较湿，唔系太好食😅而由于我完全唔记得咗系咩味道😅所以我建议再食一次😆结果真系好惊喜，因为实在好好味😋😋😋而朋友亦都话佢觉得今次个炒饭炒得比较干😄佢都觉得好好食😋😋😋原味饺子保持水准，我哋亦都好满意😄我哋觉得今次晚餐物有所值，甚至有少少超乎预期嘅感觉😄😄👏👏