翔龍拉麵小籠包 (已結業)

新装修后的店舖添上一份型格的味道。哩间系愉景嘅排队热店，所以六点几就嚟拎位，都要等到一阵先有位。七点之后门口已经好多人等位。入到去座位已经凖备好，热茶够热，仲系麦茶，赞！上次食过小笼包，不是特别好味，所以今次试下其他野。所有食物即叫即整，确保新鲜热辣辣，所以预左要等。鲜肉锅贴点上姜丝醋，咬一口，肉汁咇出嚟，正！不过略嫌皮厚左d。 上次食叉子，今次试食薄饼。 有牛猪羊拣，拣孜然羊肉薄饼。薄饼一笼五块，饼唔算太薄，但配上咸咸地嘅羊肉就刚好。 羊肉好令人失望，无羊味，而且松肉粉落得太多，失去左肉嘅质感。虾籽窝塔豆腐几特别，未试过。 送上枱凭卖相已经令人心动。豆腐外层炸到脆一脆，但内里保留到豆腐嘅软滑。豆腐唔会干曾曾，一咬系有甜甜地嘅汁，仲有鲜豆腐香。外脆内软嘅口感令人惊喜。个虾籽汁都系甜甜地，加少少炸左嘅葱丝同莞茜，味道更香。最后叫碗面饱肚下，但系拣错野。叫左会翔龙海鲜煨面。 见个样就知唔方好味。面煮得好淋，而且好少料，得几粒虾肉同鱼肉，系一碗住家面！哩到同以前一样，都可以系玻璃窗见到师傅即整小笼包，面，窝贴咁，真功夫唔怕俾人睇！