浜滝 (已結業)

由铜锣湾一路行行行，见到个门面好cute，本身又想食日本野，就入左黎。拣左张高枱坐，好有feel，都坐得几舒服。首先试左牛粒串烧，有少少盐吊味，好正，作为前菜每人一粒。然后有蟹拉面，汤底好浓海鲜味，蟹肉都甜，仲有一只溏心蛋，唔系半只，店家真系好慷慨，一路食，突然夹到旧黑色硬物，吓死，原来系热石黎，不过碗面都唔热，旧石可以不要。大家都钟意食烧饼，呢度嘅烧饼好得，馅料足，好香木鱼味，但有少少浓味。到半熟呑拿鱼，我已经系唔怕鱼腥味嘅人，但呢碟野真系好腥，同行友人觉得可以接受，但我食一旧已经想lur，食落感觉唔冻又唔暖，好似食紧旧有血水嘅生肉咁，几经辛苦终于呑哂，但个口阵腥味久久不散，好似流紧牙血咁，总之系成口血嘅味，我谂我这辈子都唔会再试。