上海總會

营业中

休息中

适逢靓靓妈咪寿辰，今年小肥好似中咗马标咁，好阔佬地喺「上海总会」设宴一席，与亲友为其庆祝一番。为隆重其事，家人早于去年底订下宽敞阔落且连私人洗手间o既董事贵宾厅。。。无奈寿宴前几日突然收到会所通知，话董事厅有高层要征用作会议之用，多得契爷出手相助，当晚o既派对方才得以喺三楼间出之厢房进行。宾客到临前先有艳丽鲜花赠美人！为美食配选之佳酿则全由大肥爸爸负责。「母亲大人，祝您青春常驻，天天快乐，幸福满泻！」冷盘之枪虎尾：鳝背前菜唔多够热，所以食起上黎带少少腥，莫非系大厨送赠之「有腥气」？！冷盘之海哲香笋：透光o既海哲及青绿色o既香笋均湿润爽脆，不过未能供贵宾最少每人有一件香笋，份量似乎差咁啲。冷盘之素黄雀：细佬对上海菜认知唔深，不过金黄色o既素黄雀颜色就靓啦，但其形状是否疑似素鹅多过素黄雀呢？！冷盘味道清淡，馅料亦较为松散，唔够结实，讲真作为主人家真系有啲觉得货不对办架。冷盘之烤麸：烤麸香浓带甜，腍中带爽，只可惜份量一样未能供给全枱客人食用。冷盘之马兰头：马兰头芳香脆嫩，轻巧甜美。甜豆虾仁：细细粒o既河虾仁爽嫩润泽，翠绿色o既甜豆亦极之清甜，但所谓加大咗o既份量都只系足够每位客人分到一小碗，