Arte by Padaria (已搬遷) 新店位置

今日喺K11行街，发现左间粉红色，好靓嘅甜品店，就埋去睇下啦。见到呢度有好多唔同款式嘅甜品可以选择，除左一般常见嘅musse cake同挞类之外，见到个外貌几有趣嘅波波。行近啲再睇睇个description啦，原来除左甜食，仲有咸式，就好似有款系虾酱肉松饀嘅。据讲，佢嘅灵感源自新月型嘅传统可颂面包，所以个外型就咁特别啦，呢款波波真系啱哂做散水饼，够哂特别。卡邦尼意粉就食得多，唔知配落甜品会点呢，食落口原来又真系几有趣，本身咬入去软软嘅口味，当中有蛋糕嘅松软，同时间又咬到烟肉嘅香，而个卡邦尼汁又唔会太湿，食完一件都唔会整污秽只手。然后再试埋个虾酱肉松口味，啖喺都系肉松嘅口感，而个虾酱味唔会过份抢。食完咸，食多个甜嘅朱古力榛子酱，入口同样松软，而朱古力味十分浓厚，真系好舒服。