魚米家魚湯米線 (已結業)

玩具铺结业，于是同老公黎到将军澳扫平货。扫货后都已经系晚餐时间，经过鱼米家，系门口闻到麻辣味，嗜辣嘅我即刻决定食呢间。瑞士鸡翼捞公仔面餐 $58 - 餐有烘多士、火腿、炒蛋，味道普通。瑞士鸡翼有4只，都够入味，公仔面煮得啱啱好，够弹牙。招牌鱼腐米线（转麻辣鱼汤底) $45 + $6 (冻饮) - 米线一上枱，闻到浓浓嘅麻辣味，于是急不及待试下个汤。但是失望了，汤底有麻无辣。内有7件鱼腐，份量都ＯＫ。鱼腐有鲮鱼味亦好嫩滑，叫得招牌所以都是好食。