影片
更多
2012-08-10
26 浏览
呢间又系杂志之前成日有介绍，所以就去试下啦，话晒叫得自己系第一嘅专门店，应该好有水准。晚上去到，铺头唔大，不过得少猫几个，心谂竟然唔使等位真幸运。叫咗菜干鸭肾猪骨粥 $20，同友人一人一碗。菜干味道唔够出（好似普通唔系煮嘢食好叻嘅人系屋企煲咁）啲粥料味道煲唔出黎咁，无咩味，留唔到人啰。我叫咗名炉鸭丝拉肠，友人本来叫招牌第一拉肠，不过佢听到我话又有啲想试葱花虾米拉肠，结果佢就选择咗叫双拼，即系招牌第一拉肠拼葱花虾米拉肠。佢系即拉嘅，不过我唔明点解拉完上枱冻得咁快啰！？其他铺头即拉𠮶啲都仲可以好够热架友人好可怜呀，因为我同佢都误以为双拼系一样一半嘅意思（即系每个味一条肠咁呢）点知佢地嘅双拼系将两个味混合落一齐，可怜的友人唔食葱，结果都迫住要食,哈哈。坦白讲，我唔识分啲肠粉有无米香之类，我只在乎啲肠粉够唔够皮薄同够唔够滑，只要系又薄又滑，我就一定钟意食。佢啲肠粉都几薄，不过唔够滑㖞，馅料算足，不过味道唔特出，系有得比较嘅情况之下，同样系肠粉专门店嘅堂记，较为出色好多，价钱亦较平少少，当然因为堂记嘅环境装修比较咩都无，第一肠粉就环境装修好好多，所以贵几蚊系正常，不过如果要我选择，我系选择味道
晚上去到，铺头唔大，不过得少猫几个，心谂竟然唔使等位真幸运。
叫咗菜干鸭肾猪骨粥 $20，同友人一人一碗。菜干味道唔够出（好似普通唔系煮嘢食好叻嘅人系屋企煲咁）啲粥料味道煲唔出黎咁，无咩味，留唔到人啰。
我叫咗名炉鸭丝拉肠，友人本来叫招牌第一拉肠，不过佢听到我话又有啲想试葱花虾米拉肠，结果佢就选择咗叫双拼，即系招牌第一拉肠拼葱花虾米拉肠。
佢系即拉嘅，不过我唔明点解拉完上枱冻得咁快啰！？其他铺头即拉𠮶啲都仲可以好够热架友人好可怜呀，因为我同佢都误以为双拼系一样一半嘅意思（即系每个味一条肠咁呢）点知佢地嘅双拼系将两个味混合落一齐，可怜的友人唔食葱，结果都迫住要食,哈哈。坦白讲，我唔识分啲肠粉有无米香之类，我只在乎啲肠粉够唔够皮薄同够唔够滑，只要系又薄又滑，我就一定钟意食。佢啲肠粉都几薄，不过唔够滑㖞，馅料算足，不过味道唔特出，系有得比较嘅情况之下，同样系肠粉专门店嘅堂记，较为出色好多，价钱亦较平少少，当然因为堂记嘅环境装修比较咩都无，第一肠粉就环境装修好好多，所以贵几蚊系正常，不过如果要我选择，我系选择味道行先啰，味道唔得，装修几舒服都无用啦。
佢家分店仲要系对面，好近，唔怪得之坐唔满人啦。我真系觉得好麻麻，唔会主动要求再去啰，因为佢无𠮶种令你回味想再光临嘅感觉。系有啲失望架，话晒佢个名咁响。
张贴
