那個ㄋㄚˋ ㄍㄜ (軒尼詩道)

营业中

休息中

曾经在北角搭车见过呢间「那个」，由于个名有点儿那个，所以湾仔见到就认到。觉得开得分店应该都唔错，见佢话试业就试下啦。结果我系错既，有分店都可以系唔好食。首先系价钱，唔平架，$70-$80 一个面仲要无野饮跟餐。今次食左花枝面同埋嘉义鸡肉拌面。花枝面都有5粒花枝，但系其实只系平时既普通花枝，无特别，个汤既古古怪怪，只能够讲唔岩我口味，可能系台南味啦，我未去过台南我唔识。至于呢个嘉义鸡肉拌面，我就有资格讲喇，因为我真系去过嘉义食过佢地既鸡肉饭。呢只鸡肉味最多只可以叫鸡肉拌面，叫嘉义鸡肉拌面就实在太过份，嘉义鸡肉都唔系呢个口感，无嘉义都可以有7分，但讲明系嘉义鸡肉只有0分。嘉义鸡肉绝对唔会系咁既！最后要俾差评既就系野饮，未饮过咁难饮既奶茶。整体来讲，员工态度唔错，价钱偏贵，食物好一般，野饮系难饮。不过就见佢仲系试业，比个中评佢啦，有好大进步空间。不过我本人就会永久blacklist佢，就当系口味唔岩。