芝樂坊餐廳

今日同朋友黎食生日飯，所以要等位都專登黎。不過好彩預早6點30就黎到，7點15就有位了。哩度點餐都會送餐包，其實喺度食嘢，份量比一般餐廳大。加埋餐包，真係會好飽，不過真係好香，好脆，唔食唔得兩個人 share 嘅份量真心會有啲太多，不過睇落佢係炸芝士，會好膩，不過其實唔係想像中咁油膩，外脆内軟，不過覺得芝士唔夠香。點佢嗰個甜酸醬，個味道夠晒獨特。芝士四重奏長通粉無想像中咁重芝士味，覺得可以 creamy 一啲，其實食落都幾重蕃茄汁味，酸嘅味道，重過芝士味。不過，整體味道，撈埋中間嘅cream cheese, 係幾好食嘅。覺得個長通粉可以再煮軟啲，會入味啲。我行左去個cake counter 嗰度臨時 request 話我想慶祝朋友生日，問佢可唔可以加蠟燭，佢上碟嘅時候仲加左朱古力字好有心！不過食落個 oreo cake 係好實好硬嘅 cheese cake, 好 rich 嘅 cheese 味，不過兩個人 share 都唔係咁容易，而且真係有啲過甜。