芝樂坊餐廳

营业中

休息中

今日同朋友黎食生日饭，所以要等位都专登黎。不过好彩预早6点30就黎到，7点15就有位了。哩度点餐都会送餐包，其实喺度食嘢，份量比一般餐厅大。加埋餐包，真系会好饱，不过真系好香，好脆，唔食唔得两个人 share 嘅份量真心会有啲太多，不过睇落佢系炸芝士，会好腻，不过其实唔系想像中咁油腻，外脆内软，不过觉得芝士唔够香。点佢𠮶个甜酸酱，个味道够晒独特。芝士四重奏长通粉无想像中咁重芝士味，觉得可以 creamy 一啲，其实食落都几重蕃茄汁味，酸嘅味道，重过芝士味。不过，整体味道，捞埋中间嘅cream cheese, 系几好食嘅。觉得个长通粉可以再煮软啲，会入味啲。我行左去个cake counter 𠮶度临时 request 话我想庆祝朋友生日，问佢可唔可以加蜡烛，佢上碟嘅时候仲加左朱古力字好有心！不过食落个 oreo cake 系好实好硬嘅 cheese cake, 好 rich 嘅 cheese 味，不过两个人 share 都唔系咁容易，而且真系有啲过甜。