影片
更多
2022-09-10
1173 浏览
下午茶時間入嚟, 店內並不多客, 只有三數枱.一坐低嗌左壼普洱後不久, 侍應就俾了個洗杯筷子的兜, 不過我見到個兜有一滴豉油! 霎時感覺不好, 衛生整潔要扣分, 我也冇倒水落個兜用茶洗, 改為直接倒茶落個碗同杯到洗了.anyway, 去這些點心店總好過去一些防疫衛生條件好差既茶樓, 我試過去一間裝修比呢度好既茶樓, 個酒樓阿姐容許冇隔屏擋板下, 指示個陌生人搭枱, 嗰時壼茶都未嚟, 我即刻起身走人, blacklist 埋酒樓.講番呢度啲點心, 食物質素冇其他食評講得咁好, 可能我嗌既, 吾係佢地食嗰啲, 或者吾係招牌點心啦.牛肉腸, 魚肚雞札, 冇乜特別, 係合格既.螺片燉竹絲雞湯, 味道係ok 的 , 冇煲到過火 , 亦足料, 比起地鐵沿線開的某連鎖店 所賣既湯水, 冇配料都賣幾十蚊包, 呢度呢個係抵飲.至於牛肉球, 就整得比較實, 所以裡面就冇乜肉汁, 吾係我鍾意既做法.蝦春卷, 應該係各師各法啦, 今次裡面有粟米粒, 自己就覺得奇怪, 並吾鍾意呢個配搭.鳳爪, 偏硬身, 你鍾意有咬口就ok, 但我偏好再腍身啲.整體
一坐低嗌左壼普洱後不久, 侍應就俾了個洗杯筷子的兜, 不過我見到個兜有一滴豉油!
霎時感覺不好, 衛生整潔要扣分, 我也冇倒水落個兜用茶洗, 改為直接倒茶落個碗同杯到洗了.
anyway, 去這些點心店總好過去一些防疫衛生條件好差既茶樓, 我試過去一間裝修比呢度好既茶樓, 個酒樓阿姐容許冇隔屏擋板下, 指示個陌生人搭枱, 嗰時壼茶都未嚟, 我即刻起身走人, blacklist 埋酒樓.
講番呢度啲點心, 食物質素冇其他食評講得咁好, 可能我嗌既, 吾係佢地食嗰啲, 或者吾係招牌點心啦.
牛肉腸, 魚肚雞札, 冇乜特別, 係合格既.
螺片燉竹絲雞湯, 味道係ok 的 , 冇煲到過火 , 亦足料, 比起地鐵沿線開的某連鎖店 所賣既湯水, 冇配料都賣幾十蚊包, 呢度呢個係抵飲.
至於牛肉球, 就整得比較實, 所以裡面就冇乜肉汁, 吾係我鍾意既做法.
蝦春卷, 應該係各師各法啦, 今次裡面有粟米粒, 自己就覺得奇怪, 並吾鍾意呢個配搭.
鳳爪, 偏硬身, 你鍾意有咬口就ok, 但我偏好再腍身啲.
整體嚟講, 吾覺得特別好食, 當然未至於要彈佢難食, 只係覺得佢係一間好普通既點心店.
如果吾係住係附近, 吾會特別嚟試. 如果住附近, 只會係求其嗌個外賣蒸飯 + 湯草草食一餐只求飽肚那種餐廳. 如果想去點心店吃好一點, 應有其他選擇.
另外, 下午茶時間只係點心八折, 茶介和燉湯係冇折架, 所以雖絕不能話誤導, 但埋單時, 張單只寫20 % OFF , 係吾夠清楚, 容易有爭拗, 店家可考慮帳單項目折扣上表達清楚啲.
张贴
