泰屋

营业中

休息中

一家大细难得中秋，一齐出外庆祝，好彩临时book泰国菜都book到。一入到餐厅，环境好似去左七十年代嘅泰国餐厅咁，劲怀旧风情加埋啲七彩胶灯，仲环播泰文歌，几有情调。一坐低长老们发现餐具有少少污糟，揾左一个肥肥地黑色粗框眼镜既男侍应帮手换，点知个男侍应就粗声粗气，仲要劲无礼貌咁同长老讲「等下先啦」，自问长老都算有礼貌，但系一坐低就被人无礼貌对待搞到长老就真系唔系太开心。叫左个4人餐一齐食另外加左薄饼同生虾，食物就普普通通咁，唔算特别好食。特别系薄饼，都几油腻同好硬，可以唔叫。咖喱虾都好细只，每人平均都食左$250，都唔算话好抵。加上中秋正日咁嘅态度对客，呢啲泰国菜无下次。