鐵板燒·鑄

营业中

休息中

因为呢间系全港唯一一间米之连铁板烧，所以要黎试下，dinner set menu 得一个，所以就拣左佢。先黎个前菜生蚝配海胆鱼子，不过不失，再黎个甘鲷鱼，个鱼鳞炸得好脆，配埋sauce好好食。之后再有个蓝龙虾，个汁够哂浓味，配埋个意粉系绝配。再上个鲍鱼，相比之下，个鲍鱼就比下去，冇特别既汁，用返鲍鱼肝既汁去煎，冇惊喜都唔特别。然后就系和牛，因为我唔食牛，同行友人既comment 系…冇入口即溶𠮶种感觉，都冇好香既牛味，普通左啲，而我就食左个煎带子，我觉得个带子刚刚好，冇煎到全熟，外脆内软。最后就系个樱花虾白饭鱼仔炒饭，个饭系炒得好干身，但因为因为樱花虾同白饭鱼仔落得太多，搞到个饭既口感系硬，有小小唔觉有似食紧饭。个龙虾汤都不过不失，偏咸。甜品系蜜瓜，非常juicy，仲好甜。整体黎讲个甘鲷鱼同蓝龙虾系最出色，其他都普通左啲。因为佢系米之连，所以对佢有所期望，心𠮶句，铁板烧·铸都未值米之连呢个头衔。