王家沙．花樣年華 (金朝陽中心) (已結業)

全新概念嘅王家沙，谂住会同其他旧店会有点分别同惊喜，点知都系一般。论装潢，新概念设计确实令人有新鲜感。但一讲到食物质素，就可以话系有点失望。讲头盘小吃醉鸡，质感较韧而酒味淡薄，食到底层啲鸡先有啲酒味，但肉质真系麻麻仲要啲骨系红色。跟著嚟碗担担面，面质不爽而且好似浸汤浸咗好耐有点发涨兼「淋」身。我哋另外叫咗个秘制牛肋骨肉，等咗45分钟兼叫侍应生跟进咗两次，好明显系漏单但第一次问嘅时候冇人理会。最后终于送上枱，卖相一般但比想像中好食。整体而言，食物质素一般。如要革新托展新市场，相信喺食物设计同质素方面仍然需要改善。