Neighbor (已結業)

寻晚同朋友来食饭，朋友之前食过，觉得可以带我去食，点知到最后，朋友话，比起之前，食物质素差左好多寻晚好多人都人叫2人餐，但我地反而散叫。叫左一款黑松露pizza，一客和牛，一碟徳国肠，同沙律。首先讲下沙律先，酱汁偏咸，我无谂到沙律都可以甘唔健康既😂😂然后上pizza，我发现系好食既，不过黑松露味反而唔太出众，如果可以重味d就更完美啦！值得一食既！之后上和牛配三文鱼籽，呢款，我觉得好失望，因为烧汁超咸，原本配菜脆肉瓜系好甜既，但点知一入口就好咸，牛肉就非常的熟，熟到无d牙力都非常难咬既程度我自问对食牛无乜要求，但真心唔推荐。另外d三文鱼籽，我见唔到有，因为已经俾酱汁掩盖左。。。。。后来上左徳国肠，都唔错，值得推！不过食到最后，我地系食唔哂。因为俾pizza霸住个肚噜，其实d薯条炸得好食呀😂到最后，上埋最后送既个朱古力甜品！女孩子有个甜品肚，食落又好食，结果食哂！饮品方面，我就叫左烤布蕾波波茶，朋友叫左黑松露可可。波波茶d珍珠好硬，好难咬，感觉系无煮熟既感觉啰。朋友杯可可，都系无乜味，有d难饮，所以到最后成杯都无点掂过😑整体而言，唔会再食返呢间。