蓮香居 (已結業)

前排同朋友讲起饮茶，重记得好耐之前，曾经帮衬过唔知系莲香居定莲香楼，记得佢嘅金钱鸡超级好食 🤤 所以就同朋友拣咗莲香居试吓，不过去到先发现自己原来之前系食莲香楼，不过既然嚟到咁当然要帮衬下。装修格局又系同莲香楼差唔多，又系有手推车姐姐卖点心，啲餐具图案又差唔多，就算连餐牌都有九成似，真系好易令人混淆。😵‍💫虾饺、其他点心 : 虾饺偏细粒，其他点心亦无惊喜位同卖点，最好食只有个沙翁，就连我期待已久嘅金钱鸡亦做得好差，相都唔想影，超级失望。😔新鲜猪润烧卖 : 只系猪润加烧卖，味道十分普通。鱼翅捞饭 ($98) : 都几大兜可以三个人食，鱼翅份量都唔少，不过个汁就冇咩味，有啲可惜。