土司工坊 (PopCorn) (已結業)

今晚约咗朋友睇戏，于是喺Popcorn附近揾吓有咩快靓正嘢食，印象中吐司工坊嘅喇沙好出色，于是毫不犹豫就同朋友入咗去食晚餐。星洲喇沙米线🍜先讲个汤底，剩系得辣味，而且非常浠，好似多水得滞。鲜虾晶莹通透，食落都爽脆，但完全冇虾味😒。另外仲有豆卜、芽菜、半粒鸡蛋🥚，呢啲配料都唔会点出事，但整体就真系觉得唔好食，虽然碗面唔系贵，但系同我想像中真系有严重嘅落差。柠檬薏米水有淡淡的柠檬香，味道都好清香，套餐加$4可以饮用都算唔错。可能因为有期望就有失望，不过短期内都未必会再去。